التواصل بالبريد الالكترونى

بحث فى المدونة

الأحد، 20 فبراير، 2011

الفيس بوك والفيس تو فيس

محمد سيف الدولة

Seif_eldawla@hotmail.com

أظن انه من المناسب والمطلوب الآن أن يركز الشباب على التواصل مع الناس وجها لوجه وليس فقط عبر الفيس بوك .

* * *

لقد نجح الفيس بوك فى خلق بدائل للتواصل بين الناس فى وقت كان النظام يحرم ويجرم اجتماع الناس وتنظيمهم .

* * *

اما الآن بعد الثورة وإسقاط نظام الاستبداد ، وسقوط كل القيود على التواصل والاجتماع والتنظيم ، فانه قد آن أوان لتطبيع علاقاتنا الانسانية والاجتماعية والسياسية .

ان التواصل الالكترونى شديد الأهمية ومتعدد الوظائف والفوائد ، ولكنه لا يمكن ان يكون بديلا عن التواصل الطبيعى ، الذى يخلق علاقات أكثر صدقا و استواءً وأكثر عمقا واستمرارية وأكثر ثورية .

* * *

لقد نجح الشباب بالفعل فى توظيف الفيس بوك فى دعوة عشرات الآلاف الى التظاهر ايام 25 و28 يناير

ولكن بعد ان نزل الناس الى الشوارع ، كان عليهم أن يخوضوا معارك من نوع آخر ، معارك حقيقية و خطرة مع قوات وبلطجية الأمن .

وتمكنوا من النصر فيها بفضل شجاعتهم وابداعاتهم و تضحياتهم .

وعلى الأخص تضحيات شباب الصنايعية الذين تقدموا الصفوف فى مواجهة القنابل المسيلة للدموع والمولوتوف ومياه النار .

وهؤلاء بالطبع ليسوا من شباب الفيس بوك ، بل أن بعضهم لا يجيد القراءة من أصله .

* * *

و الأهم من كل ذلك ان الغالبية العظمى من شعبنا الطيب الكريم من العمال والصنايعية والفلاحين وصغار الموظفين وربات البيوت والشيوخ لا يمكن التواصل معهم الكترونيا

رغم انهم الأكثر معاناة فى هذا البلد .

والأكثر احتياجا لهذه الثورة .

وهم لا يملكون ما نملكه من إمكانيات و أدوات للتعبير و التأثير والمشاركة .

هؤلاء يحتاجون منا ان نتواصل معهم وجها لوجه ، ونفسا بنفس وروحا بروح .

* * * * *



القاهرة فى 20 فبراير 2011

هناك 5 تعليقات:

المنسى يقول...

هو مبدئيا يا أستاذى الفكرة جميلة جداااا
بس أعتقد إننا ناقصنا كتير من التأهيل إننا نقدر نتواصل فيس تو فيس لإننا عندنا مشاكل مترسبة من زمان مشاكل عدم قبول الرأى الأخر وإن رأيى انا دايما هو إللى صح ..يعنى على س بيل المثال
إمبارح علطول كنت راجع من ساقية الصاوى ومتجه إللى محطة مترو جمال عبد الناصر وفى المينى باص حصل حوار أكثر من رائع فى بين الناس جو المينى باص ستات ورجالة وشباب صغير ...بعده إشتد الحوار ..وسخن وكنت فرحان جدااا وانا بسمعهم ..إلا إنه فى الآخر قلب بعركة
...إحنا لسة ناقصنا كتير ...

المنسى يقول...

ده ميل كنت باعته لحضرتك بس مش عارف حضرتك شفته ولا لأ

.......
السلام عليكم
إزيى حضرتك
انا إللى كنت بعت لحضرتك موضوع على المدونة بتاعتك بتاع السودان الشقيق
إللى هى مدونة المنسى
http://elmancy2000.blogspot.com/
انا إسمى محمد رشاد
عاملين انا وصحاب ليا فريق إسمه نايل تيم
بادئين فيه من شهر 8 - 2010
http://www.facebook.com/permalink.php?story_fbid=10150187648693986&id=532058985&ref=notif&notif_t=feed_comment#!/pages/Nile-team/120210524707124
رؤيته الأساسية القضاء على خط الفقر المائى فى مصر
وكنا بنعمل بحث عشان ننزل نحاضره فى الجامعة إن شاء الله للتعريف بالمشكلة بوجه عام والعوامل السياسية إللى فيها وحضرتك من أفضل الباحثين إللى ممكن يتعاونوا معانا فى موضوع تدخل إسرائيل فى إفريقيا
فهل حضرتك ممكن تدلنا على مراجع معينة أو نشرات أو نتواصل بشكل شخصى عشان نشوف ممكن نتعاون إزاى فى المووضوع ده
إيه رأى حضرتك ؟
محمد رشاد

Seif El-Dawla يقول...

مرحبا بك يا محمد
بالنسبة الى رسالتك الاولى ، يسعدنى ان اقدم لكم اى دعم فى هذا المجال
وبالنسبةلرسالتك الثانيةالموضع بالفعل يحتاج الى تدريب ويحتاج الى حوار مع الناس الدائمين مثل الزملاء والجيرانفهو اهم من الحوار العابر مع المارة
ارسل لى بريدك الالكترونى لمزيد من التواصل
مع خالص تحياتى

المنسى يقول...

arch_rashad2050@yahoo.com
arch_rashad2050@hotmail.com

المنسى يقول...

انا كنت باعت ميل لحضرتك فعلا على الهوت ميل والجى ميل